![](/3/images/news/2017/07/6246/2017-07-28-seminaryja-009.jpg)
10 жніўня ў Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску пройдзе чарговы тур уступнага экзамена для юнакоў, якія прагнуць прысвяціць сваё жыццё служэнню Богу і людзям праз святарскую паслугу.
Тыя, хто адчувае голас паклікання да Божай службы, могуць падаваць дакументы на паступленне да 10 жніўня.
Семінарыя як вышэйшая навучальная установа Рымска-Каталіцкага Касцёла дае неабходныя веды і развівае якасці, патрэбныя для плённага служэння людзям і Касцёлу ў якасці святара. У працэсе падрыхтоўкі семінарысты вывучаюць філасофскія і тэалагічныя прадметы, а таксама замежныя мовы і дапаможныя дысцыпліны. Акрамя інтэлектуальнай падрыхтоўкі і духоўнага фарміравання прадугледжана літургічная практыка ў парафіях.
Прыём дакументаў у рэктараце семінарыі да 10 жніўня 2017 г. з 10.00 да 17.00 (акрамя нядзеляў і ўрачыстасцяў), г. Пінск, вул. Леніна, 16, тэл.: 8-0165 65 41 45; +375 25 604 41 86; +375 29 7273198.
Падрабязная інфармацыя аб умовах паступлення на сайце семінарыі.