Фота: Эрык Савянок
Беларускія францішкане пачынаюць агульную для ўсіх трох галін Ордэна ініцыятыву «Францішканскія катэхэзы для Мінска».
Катэхезы ў францішканскім духу будуць адбывацца ў архікатэдральным касцёле Імя Найсвяцейшай Панны Марыі ў Мінску з 8 кастрычніка па 5 лістапада ў кожны чацвер; пачатак у 19.30.
Гэта керыгматычныя інтэрактыўныя катэхэзы з францішканскай «оптыкай».
Для веруючых гэта магчымасць глыбей пазнаёміцца з францішканскай духоўнасцю, а для тых, хто ў пошуку адказаў — пачуць Добрую Навіну пра Божую любоў.
