19 верасня, у суботу, у Міждыяцэзіяльнай вышэйшай духоўнай семінарыі ў Гродне адбудзецца навукова-гістарычны сімпозіум “35 гадоў дарогі веры: Гродзенская дыяцэзія паміж памяццю, гісторыяй і надзеяй будучыні”. Ён прысвечаны даследванням адраджэння культуры і дзейнасці Рыма-каталіцкага Касцёла ў Гродзенскай дыяцэзіі.
Дыяцэзіяльная курыя запрашае на сімпозіум духавенства, зацікаўленых свецкіх вернікаў, кансэкраваных асобаў, студэнтаў семінарыі, навучэнцаў тэалагічнага каледжа ў Гродне.
Для духавенства, кансэкраваных асобаў і навучэнцаў тэалагічнага каледжа ўваход і ўдзел вольны, для свецкіх вернікаў — па папярэдняй дамоўленасці з арганізатарамі.
Вернікі асабліва запрашаюцца на Імшу падзякі Богу за 35 гадоў існавання дыяцэзіі, якая ў межах сімпозіума адбудзецца ў гродзенскім касцёле Адшукання Святога Крыжа (пабернардынскім) у 13.30.
Праграма сімпозіума:
- 10.00 — рэгістрацыя ўдзельнікаў;
- 10.30 — урачыстае адкрыццё, прывітальнае слова арганізатара, слова біскупа Гродзенскага Уладзіміра Гуляя;
- 11.00 — «Станаўленне Гродзенскай дыяцэзіі: абставіны заснавання, першыя структуры і духоўныя плёны» (арцыбіскуп Тадэвуш Кандрусевіч);
- 11.45 — «Інстытуцыяналізацыя Каталiцкага Касцёла на Беларусi: фарміраванне касцёльных структур і душпастырская сістэма» (біскуп Аляксандр Яшэўскі SDB);
- 12.30 — кава-паўза;
- 13.30 — святая Імша з нагоды 35-годдзя Гродзенскай дыяцэзіі (касцёл Адшукання Святога Крыжа);
- 14.30 — абед;
- 15.30 — «Мастацтва бачыць: аб увасабленні генетычнага коду Гродзенскай дыяцэзіі ў інтэр’еры яе святыняў» (Уладзiмiр Ляўшук);
- 16.15 — «Каталіцкія манаскія ордэны і кангрэгацыі на Гродзеншчыне ў XVIII-XX стст.: эвалюцыя накірункаў і форм дзейнасці» (Раіса Зянюк);
- 17.00 — час на пытаннi i дыскусiю;
- 17.45 — падсумаванне, закрыццё сімпозіума, благаслаўленне ардынарыя дыяцэзіі;
- 18.00 — братэрская сустрэча ўдзельнікаў.
