З 10 па 11 ліпеня ў дыяцэзіяльным санктуарыі Маці Божай Каралевы нашых сем’яў у Тракелях пройдуць штогадовыя адпустовыя ўрачыстасці. Сёлета яны будуць мець характар падзякі за 35-годдзе існавання Гродзенскай дыяцэзіі.
Урачыстасці стануць нагодай падзякаваць Маці Божай за апеку над усімі, хто ўтварае Касцёл на Гродзеншчыне, і даручыць Яе заступніцтву яго далейшы лёс.
Урачыстасці пройдуць пад дэвізам «Маці Міласэрнасці — наша Апякунка».
Праграма
10 ліпеня, пятніца
- прывітанне пешых пілігрымак,
- 18.30 — святая Імша для пілігрымаў (цэлебруе Мітрапаліт Мінска-Магілёўскі арцыбіскуп Юзаф Станеўскі),
- 21.00 — прывітанне, заклік да Маці Божай,
- 21.30 — канферэнцыя «Quo vadis? Шлях веры Касцёла на Гродзеншчыне»,
- 22.15 — эўхарыстычная адарацыя (праводзіць гродзенская парафія Найсвяцейшага Адкупіцеля),
- 23.30 — падрыхтоўка да Імшы.
11 ліпеня, субота
- 0.00 — Імша пастэрка (цэлебруе біскуп Гродзенскі Уладзімір Гуляй), працэсія з абразом Маці Божай,
- 2.00 — Ружанец з разважаннем радасных таямніцаў (праводзяць вернікі Іўеўскага дэканату),
- 3.00 — навэнна да Маці Божай Міласэрнасці (праводзяць вернікі Радунскага дэканату),
- 4.30 — традыцыйныя спевы,
- 5.30 — спеў Гадзінак аб Беззаганным Зачацці Найсвяцейшай Панны Марыі,
- 6.00 — Ружанец з разважаннем радасных таямніцаў (праводзяць вернікі Лідскага дэканату),
- 7.00 — падрыхтоўка да Імшы,
- 7.30 — Імша з удзелам святароў-юбіляраў і новапрэзбітэраў (цэлебруе Генеральны вікарый Мінска-Магілёўскай архідыяцэзіі біскуп Юрый Касабуцкі),
- 9.00 — святкаванне юбілею сем’яў (аднаўленне сужэнскіх абяцанняў),
- 9.30 — падрыхтоўка да Імшы,
- 10.00 — урачыстая Імша (цэлебруе біскуп эмэрыт Аляксандр Кашкевіч), Акт даручэння Касцёла на Гродзеншчыне Маці Міласэрнасці (біскуп Гродзенскі Уладзімір Гуляй).
Біскуп Уладзімір Гуляй, запрашаючы да ўдзелу ва ўрачыстасцях, кажа ў звароце да вернікаў дыяцэзіі:
«Збярэмся ў санктуарыі, каб ля ног Тракельскай Каралевы разам прасіць Божага благаслаўлення для ўсёй нашай дыяцэзіяльнай супольнасці і патрэбных Божых ласкаў для кожнага з нас».
