Увечары ў чацвер, 22 мая, у Ватыкане адбудзецца святая Імша, падчас якой арцыбіскуп намінант Іньяцыё Чэффалія атрымае біскупскае пасвячэнне.
Святую Імшу ўзначаліць кардынал П'етра Паралін.
Пачатак у 19.00 па мінскім часе.
Нагадаем, што новага апостальскага нунцыя ў Беларусь 25 сакавіка бягучага года прызначыў Папа Францішак. Упершыню дату біскупскага пасвячэння прадстаўніка Святога Айца ў нашай краіне агучыў арцыбіскуп Юзаф Станеўскі падчас Імшы Хрызма ў мінскім катэдральным касцёле, аб чым раней падавала афіцыйная старонка Мінска-Магілёўскай архідыяцэзіі catholicminsk.by.
Партал catholic.by будзе весці прамую трансляцыю падзеі (на італьянскай мове).
