Ілюстрацыйнае фота: Grodnensis.by
Традыцыйна перад святамі Божага Нараджэння адбываюцца сустрэчы духавенства, якія суправаджаюцца дзяленнем аплаткамі.
Сёлета ў трэці тыдзень Адвэнту ў розных мясцінах Гродзенскай дыяцэзіі, дзе нясе служэнне найбольшая колькасць святароў — як дыяцэзіяльных, так і манаскіх, — адбудуцца тры такія сустрэчы.
- 16 снежня, панядзелак — парафія святога Міхала Арханёла ў Ашмянах (вул. Гальшанская, 1);
- 18 снежня, серада — парафія Святой Сям’і ў Лідзе (вул. Гастэла, 22/1);
- 20 снежня, пятніца — Міждыяцэзіяльная вышэйшая духоўная семінарыя ў Гродне (вул. Парыжскай Камуны, 1).
Пачатак усіх сустрэч у 11.00.
Біскуп Гродзенскі Уладзімір Гуляй сардэчна запрашае ўсіх братоў у святарстве ўзяць удзел у гэтых перадсвяточных аплаткавых сустрэчах.
