У перыяд Адвэнту, які сёлета распачынаецца 1 снежня, у мінскім катэдральным касцёле Найсвяцейшага Імя Марыі будуць адбывацца Рараты з удзелам моладзі.
Традыцыя «моладзевых Раратаў», якая распачалася ў мінулым годзе, працягнецца і сёлета. У гэтых адмысловых Марыйных набажэнствах падчас Адвэнту будуць браць удзел розныя моладзевыя супольнасці Мінска.
«Моладзевыя Рараты» будуць адбывацца па аўторках: 3, 10 і 17 снежня. Пачатак у 6.30.
Пасля Раратаў усіх ахвотных запрашаюць застацца на супольны сняданак і сяброўскія размовы.
Таксама ўжо неўзабаве адбудзецца адвэнтавае чуванне моадзі, якое пройдзе ў архікатэдры ў ноч з 14 на 15 снежня. Падрабязная праграма чування будзе пададзена пазней.
Арганізатары сардэчна запрашаюць усю моладзь і іх душпастыраў на Рараты і на чуванне ў архікатэдру па адрасе: пл. Свабоды, 9.
