Ксяндзы рэдэмптарысты запрашаюць юнакоў ва ўзросце ад 18-і гадоў на дзень адчыненых дзвярэй, які адбудзецца 8–9 лістапада ў іх супольнасці ў Гродне (Дзевятоўка).
Гэта ўнікальная магчымасць пазнаёміцца з духоўнасцю заснавальніка рэдэмптарыстаў святога Альфонса Марыі Лігуоры, а таксама набыць непаўторны досвед прабывання ў іх місійнай супольнасці.
- Запіс і падрабязная інфармацыя па тэл.:
+375 (29) 807 08 67 – ксёндз Максім Лабкоў CSsR
Адрас: г. Гродна, вул. Курчатава, 41.
Кім быў святы Альфонс Марыя Лігуоры?
Альфонс нарадзіўся 27 верасня 1696 года ў прадмесці Неапаля ў Італіі. У 16-гадовым узросце атрымаў тытул доктара права і на працягу 10-і гадоў працаваў адвакатам. Расчараваўшыся ў адвакацкай дзейнасці, вырашыў распачаць новае жыццё і ў 1726 годзе прыняў святарскае пасвячэнне.
Напачатку Альфонс займаўся місіянерскай дзейнасцю сярод вясковага насельніцтва ў ваколіцах Неапаля. У 1732 годзе заснаваў закаонніцкую супольнасць Найсвяцейшага Адкупіцеля — кангрэгацыю рэдэмптарыстаў, мэтаю якой стала абвяшчэнне Евангелля духоўна занядбаным і бедным з дапамогаю місій і рэкалекцый.
Простыя людзі вельмі любілі і паважалі Альфонса, які быў добрым прапаведнікам і спаведнікам.
У 1762 годзе Папа прызначыў яго біскупам адной невялікай дыяцэзіі непадалёк ад Неапаля.
Альфонс Марыя Лігуоры памёр 1 красавіка 1787 года. Сярод яго шматлікіх твораў найбольш вядомымі сталі «Маральная тэалогія» і «Homo apostolicus» («Апостальскі чалавек»).
Святы з’яўляецца апекуном спаведнікаў, духоўных кіраўнікоў і тэолагаў.
