Душпастырства моладзі Мінска-Магілёўскай архідыяцэзіі запрашае прадстаўнікоў моладзевых супольнасцяў Мінска-Магілёўскай архідыяцэзіі на арганізацыйную сустрэчу па планаванні моладзевых падзей на 2024/2025 навучальны год.
Сустрэча адбудзецца 24 верасня ў 19.15 у катэдральным касцёле Найсвяцейшага Імя Марыі ў Мінску.
Мэта сустрэчы — абмеркаваць план на год і ўзмацніць супрацоўніцтва паміж моладзевымі супольнасцямі і душпастырствам. Гэта выдатная магчымасць для юнакоў і дзяўчат з парафій архідыяцэзіі аб’яднацца ў агульных праектах, прапанаваць свае ідэі і стаць часткай падзей, якія чакаюць нас у гэтым годзе.
Для ўдзелу неабходна да 23 верасня прайсці анлайн-рэгістрацыю ТУТ>>>
«Станьце актыўным удзельнікам моладзевага жыцця архідыяцэзіі і далучайцеся да гэтай сустрэчы!» — звяртаецца адказны за душпастырства моладзі ксендз Андрэй Бурак.
- Да ўдзелу запрашаюць моладзь ад 16-і гадоў.
- Ад супольнасці можа быць адзін прадстаўнік ці некалькі, пажадана не больш за тры.
- Адрас: архікатэдральны касцёл Найсвяцейшага Імя Марыі, г. Мінск, пл. Свабоды, 9, ст. метро «Няміга», «Кастрычніцкая».
- З пытаннямі звяртацца па тэл.:
+375 (29) 357 15 86 — кс. Андрэй Бурак, адказны за душпастырства моладзі Мінска-Магілёўскай архідыяцэзіі
