Ахвотных запрашаюць узяць удзел у мастацкім конкурсе, які ў кастрычніку і лістападзе праводзіцца з нагоды юбілею 25-годдзя Віцебскай дыяцэзіі.
Мэтамі і задачамі конкурсу з’яўляюцца: знаёмства з гісторыяй Віцебскай дыяцэзіі, умацаванне хрысціянскіх традыцый і духоўна-маральных каштоўнасцяў, а таксама стварэнне ўмоваў для рэалізацыі творчага патэнцыялу дзяцей, моладзі і дарослых.
Конкурс праводзіцца ў трох узроставых катэгорыях:
- малодшая ўзроставая катэгорыя — 6–12 гадоў (уключна);
- сярэдняя ўзроставая катэгорыя — 13–17 гадоў (уключна);
- старэйшая ўзроставая катэгорыя —18 гадоў і старэйшыя.
Патрабаванні
- Малюнак на тэму «25 гадоў Віцебскай дыяцэзіі»
- Выкананне — розныя тэхнікі
- Фармат працы — А4, А3
- Адзін аўтар можа даслаць адну работу.
- Кожная работа павінна быць падпісана: аўтар, назва, пазначыць узрост, мясцовасць, назву парафіі і тэлефон.
Конкурс праводзіцца ў адзін этап. Малюнкі прымаюцца да 31 кастрычніка.
Работы неабходна дасылаць з пазнакай «Мастацкі конкурс» на адрас:
вул. Воінаў-Інтэрнацыяналістаў, 28
г. Віцебск, 210032
Дадатковая інфармацыя:
catechesisvitebsk@gmail.com
Работы ўдзельнікаў конкурсу будуць ацэнены кампетэнтным журы, якое вызначыць пераможцаў ва ўзроставых катэгорыях.
Узнагароджванне
- Узнагароджванне пераможцаў конкурсу праводзіцца ў кожнай узроставай катэгорыі — I, II, ІІІ месца. Дапускаецца дубляванне прызавых месцаў (два першыя месцы, два другія і г.д.).
- Арганізатары конкурсу могуць адзначыць удзельнікаў конкурсу дадатковымі намінацыямі і прызамі.
- Прэзентацыя работ і ўрачыстае ўзнагароджванне адбудзецца 10 лістапада ў віцебскім катэдральным касцёле Езуса Міласэрнага (вул. Воінаў-Інтэрнацыяналістаў, 28).
- Падчас узнагароджвання ўдзельнікі змогуць выступіць і распавесці пра сваю творчую працу.
