У суботу 24 жніўня ўрачыста адзначаць 600-годдзе з часу заснавання парафіі святога Станіслава, біскупа і мучаніка, у Лядску (Гродзенская дыяцэзія, Шчучынскі дэканат).
У юбілейнай урачыстасці возьмуць удзел іерархі Касцёла на Беларусі.
Цэлебрацыю ўрачыстай святой Імшы ўзначаліць біскуп Гродзенскі Аляксандр Кашкевіч. Гамілію прамовіць Генеральны вікарый Мінска-Магілёўскай архідыяцэзіі біскуп Юрый Касабуцкі. Благаслаўленне памятнага крыжа пры лядскім касцёле здзейсніць каад’ютар Гродзенскай дыяцэзіі біскуп Уладзімір Гуляй, а Апостальскі адміністратар для грэка-католікаў у Беларусі архімандрыт Сяргей Гаек благаславіць абраз святой Вікторыі, панны і мучаніцы.
Праграма святкавання
- 11.00 – нарыс гісторыі парафіі ў Лядску прадставіць дацэнт Гродзенскага дзяржаўнага ўніверсітэта імя Янкі Купалы Сяргей Данскіх;
- дзецям пра гісторыю мястэчка Лядск распавядзе мясцовая жыхарка Рэгіна Юрэвіч;
- 12.00 – святая Імша;
- 13.30 – святочны канцэрт;
- 14.30 – пачастунак ад парафіянаў.
Пробашч парафіі ў Лядску ксёндз Уладзімір Аксенцьеў ад імя мясцовых вернікаў шчыра запрашае ўсіх ахвотных падзяліць радасць 600-гадовага юбілею з часу заснавання іх парафіяльнай супольнасці.
Адрас: Гродзенская вобл., Шчучынскі р-н, м. Лядск, 7 А.
