У аўторак 16 ліпеня ў парафіі Божага Цела ў Мінску, якой апякуюцца кармэліты босыя, будзе адзначацца ўрачыстасць Найсвяцейшай Панны Марыі з Гары Кармэль (Маці Божай Шкаплернай) — галоўнай Апякункі кармэліцкага ордэна.
Адпустовыя святыя Імшы ў капліцы Маці Божай Шкаплернай у гэты дзень будуць цэлебравацца ў 9.00, 12.00 і ў 19.00.
Цэлебрацыю галоўнай Імшы ўвечары ўзначаліць ксёндз Ян Юшко CSMA, пробашч парафіі Маці Божай Ружанцовай у сталічным мікрараёне Лошыца, які таксама прамовіць гамілію.
Пасля кожнай святой Імшы будзе магчымасць даручыць сябе пад апеку Маці Божай Шкаплернай і прыняць святы шкаплер з рук айцоў кармэлітаў босых.
Айцы кармэліты босыя, якія нясуць служэнне ў Мінску, запрашаюць усіх ахвотных да супольнай малітвы і святкавання.
Адрас: г. Мінск, вул. Герасіменкі, 6/1
