Ілюстрацыйная выява: emmanuelfdns.org
19 мая прыпадае міжнародны Дзень памяці памерлых ад СНІДУ, які штогод адзначаецца ў трэцюю нядзелю мая.
З гэтай нагоды Мітрапалітальная Курыя звярнулася да святароў Мінска-Магілёўскай архідыяцэзіі з заахвочваннем падчас святых Імшаў у гэты дзень у малітве вернікаў узгадаць загінулых ад хваробаў, звязаных з ВІЧ-СНІД.
Сумесныя намаганні рэлігійных супольнасцяў, Міністэрства аховы здароўя і міжнародных арганізацый, скіраваныя на правядзенне ў Беларусі мерапрыемстваў, прымеркаваных да гэтага Дня памяці, сталі ўжо шматгадовай традыцыяй. Яны дазаваляюць людзям, якія жывуць з ВІЧ, адчуць падтрымку і клопат грамадства.
