Міждыяцэзіяльная семінарыя запрашае кандыдатаў з усіх дыяцэзій Беларусі на новы навучальны год

Ілюстрацыйнае фота з архіву семінарыі

Міждыяцэзіяльная вышэйшая духоўная семінарыя ў Гродне запрашае кандыдатаў на 2024–2025 навучальны год з усіх дыяцэзій Каталіцкага Касцёла ў Беларусі.

Семінарыя ў Гродне існуе ўжо больш за 30 гадоў і клапоціцца пра тое, каб Касцёлу ў Беларусі служылі верныя, адданыя душпастыры, і як вышэйшая навучальная ўстанова Рыма-Каталіцкага Касцёла дае неабходныя веды і развівае якасці, патрэбныя для плённага служэння людзям і Касцёлу ў святарстве.

На дадзены момант працэс падрыхтоўкі да святарства паводле новага Ratio Fundamentalis Institutionis Sacerdotalis ад 8 снежня 2016 года працягваецца сем гадоў, уключаючы ў сябе інтэгральную фармацыю розных сфер асобы: чалавечую, духоўную, інтэлектуальную і пастырскую.

У працэсе падрыхтоўкі семінарысты ўзрастаюць у веры, будуюць сваё духоўнае жыццё праз розныя аскетычныя практыкі і пазнаюць сябе як асобу на розных узроўнях; вывучаюць філасофскія і тэалагічныя прадметы, а таксама класічныя і замежныя мовы і дапаможныя дысцыпліны. Акрамя духоўнага фармавання і інтэлектуальнай падрыхтоўкі, прадугледжана літургічная практыка ў парафіях. Пасля заканчэння сямігадовай фармацыі, кандыдат мае права звяртацца да біскупа з просьбай аб удзяленні яму пасвячэння.

Прыём кандыдатаў на 2024/2025 навучальны год

Кандыдаты ў семінарыю павінны прадставіць наступныя дакументы:

• Уласнаручна напісаная заява аб прыняцці ў семінарыю з матывацыяй свайго рашэння (узор ТУТ>>>).
• Уласнаручна напісаная аўтабіяграфія.
• Атэстат аб сярэдняй адукацыі альбо дыплом аб заканчэнні іншай навучальнай установы.
• Сертыфікаты двух ЦЭ (централізаваных экзаменаў) з колькасцю балаў не менш 30, калі ёсць сертыфікат з ЦТ па іншым прадмеце, можна прадставіць і яго.
• Пасведчанне аб хросце.
• Пасведчанне аб канфірмацыі.
• Пасведчанне аб удзеле ў катэхезе.
• Характарыстыка ад пробашча.
• Характарыстыка ад катэхета.
• Медыцынская даведка для паступлення ў ВНУ.
• Пашпарт і яго ксеракопія (старонкі 31–33).
• Ваенны білет або прыпісное пасведчанне (яго ксеракопія).
• 4 фотаздымкі (3х4 см).

Кандыдат павінен быць практыкуючым католікам (не менш за тры гады) і валодаць неабходнымі якасцямі для будучага святарскага служэння.

Ілюстрацыйнае фота з архіву семінарыі

Прыём дакументаў

• Рэктарат семінарыі ў Гродне
  • па папярэднім запісе па тэл.: +375 (15) 262 22 22;
  • адрас: г. Гродна, вул. Парыжскай Камуны, 1 А
  • дакументы прымае дзяжурны святар.
  • З пытаннямі звяртацца па тэлефонах:
    +375 (29) 588 22 97 – кс. Віталь Вайцяхоўскі, рэктар
    +375 (29) 782 60 95 – кс. Ян Раманоўскі, прэфект
    +375 (33) 325 43 08 – кс. Павел Скуба, мадэратар прапедэўтычнага перыяду
• Мінска-Магілёўская архідыяцэзія
  • па папярэднім запісе па тэл.: +375 (29) 684 09 75 (акрамя нядзель і ўрачыстасцяў);
  • адрас: г. Барысаў, вул. Гагарына, 115.
  • дакументы прымае кс. кан. Аляксей Раманчук.
• Віцебская дыяцэзія
  • па папярэднім запісе па тэл.: +375 (29) 884 54 82 (акрамя нядзель і ўрачыстасцяў);
  • адрас: Віцебская вобл., г. Глыбокае, вул. Савецкая, 1;
  • дакументы прымае кс. кан. Мікалай Ціхановіч.
• Пінская дыяцэзія
  • па папярэднім запісе па тэл.:
    +375 (29) 727 31 98 – кс. Андрэй Рылка;
    +375 (29) 850 23 01 – кс. Чэслаў Ладыка;
  • адрас: Брэсцкая вобл., г. Пінск, вул. Леніна, 16.

Уступны экзамен

Прыём дакументаў і ўступны экзамен для кандыдатаў з усіх дыяцэзій адбудзецца ў духоўнай семінарыі па адрасе:

г. Гродна, вул. Парыжскай Камуны, 1 А.

• 7 жніўня – прыезд на 18.00 (прадугледжаны начлег для кандыдатаў);
• 8 жніўня – падача дакументаў;
• 9 жніўня – экзамен (пачатак у 10.30).