У межах падрыхтоўкі да Форуму каталіцкай моладзі Мінска-Магілёўскай архідыяцэзіі, які пройдзе 27 красавіка, арганізатары мерапрыемства прапануюць маладым людзям прайсці анлайн-апытанне.
«Калі вы — малады католік і хочаце ўплываць на тое, што адбываецца ў Душпастырстве каталіцкай моладзі Мінска-Магілёўскай архідыяцэзіі, то гэта ваш шанц», — звяртаюцца да моладзі арганізатары Форуму.
У анкеце закрануты тэмы, якія будуць абмяркоўвацца на будучым форуме каталіцкай моладзі. Меркаванні важныя для агульнага дабра і духоўнага росту.
Пытанні ахопліваюць наступныя тэмы:
- выклікі каталіцкай моладзі ў сучасным свеце;
- важнасць малітвы і рэлігійных практык на сустрэчах;
- спосабы інтэграцыі, якія больш падабаюцца;
- як Касцёл можа лепш садзейнічаць моладзі.
Адказы дапамогуць лепш зразумець патрэбы і чаканні маладых католікаў, каб рыхтаваць больш прывабныя і натхняльныя мерапрыемствы.
Арганізатары запрашаюць запоўніць форму апытання і далучыцца да Форуму.
Апошні тэрмін запаўнення анкет — 8 красавіка.
- Анлайн-форма апытання ТУТ>>>
Форум для моладзі плануецца правесці ў суботу 27 красавіка ў салезіянскім араторыі пры парафіі святога Яна Хрысціяцеля ў Мінску (м-н Серабранка, вул. Пляханава, 28/1).
Для ўдзелу ў Форуме будзе асобная рэгістрацыя.
З пытаннямі звяртацца па тэл.:
+375 (29) 357 15 86 — ксёндз Андрэй Бурак, адказны за душпастырства моладзі ў Мінска-Магілёўскай архідыяцэзіі.
