Фота Аляксандры Шчыглінскай
6 лютага ў катэдральным касцёле Найсвяцейшага Імя Марыі ў Мінску адбудзецца святкаванне Дня кансэкраванага жыцця.
У архідыяцэзіяльным свяце возьмуць удзел Мітрапаліт Мінска-Магілёўскі арцыбіскуп Юзаф Станеўскі, а таксама адказны за Інстытуты Кансэкраванага жыцця і Таварыствы Апостальскага жыцця пры Канферэнцыі Каталіцкіх Біскупаў у Беларусі біскуп Аляксандр Яшэўскі SDB.
Праграма
- 10.50 – прэзентацыя гісторыі кансэкраванага жыцця ў Мінска-Магілёўскай архідыяцэзіі (с. Марцэліна Мігач ISSM);
- 11.30 – духоўная канферэнцыя (кс. Анджэй Юхневіч ОМІ, старшыня Каардынацыйнай групы вышэйшых настаяцеляў, дэлегатаў і прадстаўнікоў мужчынскіх і жаночых манаскіх інстытутаў і таварыстваў апостальскага жыцця ў Беларусі);
- 12.00 – адарацыя Найсвяцейшага Сакрамэнту;
- 12.30 – святая Імша з аднаўленнем манаскіх абяцанняў (цэлебрацыю ўзначаліць арцыбіскуп Юзаф Станеўскі, гамілію прамовіць біскуп Аляксандр Яшэўскі SDB);
- 13.30 – абед на закачэнне сустрэчы.
Арганізатары запрашаюць да ўдзелу ў святкаванні ўсіх ахвотных, асабліва кансэкраваных асоб, якія нясуць служэнне ў Мінска-Магілёўскай архідыяцэзіі.
На партале Catholic.by будзе весціся прамая трансляцыя святкавання Дня кансэкраванага жыцця ў Мінску.
