Па ініцыятыве моладзі сёлета ў перыяд Адвэнту ў мінскай архікатэдры Найсвяцейшага Імя Марыі будуць адбывацца Рараты, на якія асаблівам чынам запрашаюць моладзь: школьнікаў, студэнтаў і тых, хто ўжо працуе.
У перыяд Адвэнту ў Касцёле цэлебруецца святая Імша ў гонар Маці Божай — Рараты. У моладзі Мінска ў гэтым годзе з’явіцца магчымасць раз на тыдзень сабрацца разам, каб паўдзельнічаць у святой Імшы у гонар Маці Божай, якая чакае нараджэння свайго Дзіцяці.
Раратнія Імшы з удзелам моладзі будуць цэлебравацца ў архікатэдры 5, 12 і 19 снежня.
Пасля святой Імшы юнакі і дзяўчаты па жаданні могуць застацца на супольны сняданак і час на размовы — кожнага шчыра запрашаюць.
Арганізатары сардэчна запрашаюць усю моладзь і іх душпастыраў на працягу Адвэнту кожны аўторак у 6.30 у архікатэдру (пл. Свабоды, 9).
