У ноч з 16 на 17 снежня ў мінскім катэдральным касцёле Найсвяцейшага Імя Марыі пройдзе чуванне моладзі на тэму «Ноч у Божым Валадарстве».
У нядзелю 3 снежня распачнецца Адвэнт — час радаснага чакання, час на Божую надзею.
На традыцыйным адвэнтавым чуванні моладзі прапануюць перажыць адну ноч у Божым Валадарстве, надзею на якое дае нам Езус Хрыстус.
Арганізатары заахвочваюць апрануцца ў святочнае адзенне, паклікаць сваіх сяброў, каб у радасці і надзеі правесці малітоўнае чуванне за тыдзень да свята Божага Нараджэння.
Атрымаць матэрыял для падрыхтоўкі да чування і запрашэнне можна пасля запаўнення формы па спасылцы ТУТ>>>
Праграма чування
- 21.30 — рэгістрацыя ўдзельнікаў
- 22.00 — падрыхтоўка да святой Імшы
- 22.30 — святая Імша
- 23.30 — дзяленне аплаткай
- 0.00 — малітва Псальмамі
- 0.30 — канферэнцыя
- 1.00 — перапынак на каву
- 1.30 — Ружанец
- 2.30 — сведчанне
- 3.30 — Вяночак
- 4.00 — перапынак на каву
- 4.30 — адарацыя
- 5.40 — благаслаўленне, завяршэнне чування.
Да ўдзелу ў чуванні запрашаюць усіх ахвотных.
Юнакі і дзяўчаты, якія не маюць магчымасці асабіста прысутнічаць на чуванні ў катэдры, могуць духоўна далучыцца з дапамогаю анлайн-трансляцыі на партале Catholic.by.
Адрас: архікатэдральны касцёл Найсвяцейшага Імя Марыі, г. Мінск, пл. Свабоды, 9, ст. метро «Няміга», «Кастрычніцкая».
З пытаннямі звяртацца па тэл.:
+375 (29) 357 15 86 — кс. Андрэй Бурак, адказны за душпастырства моладзі Мінска-Магілёўскай архідыяцэзіі
