30 верасня ў кляштары кармэлітаў босых у Мінску адбудзецца сімпозіум, прысвечаны святой Тэрэзе ад Дзіцяткі Езуса, які пройдзе пад дэвізам «Прыйдзі, любові подых…»
Гэтымі словамі распачынаўся гімн перэгрынацыі рэліквій святой Тэрэзы з Лізьё, якая адбывалася ў Беларусі дзесяць гадоў таму, у 2013 годзе.
Тэрэза Мартэн нарадзілася ў Францыі ў 1873 годзе, стаўшы дзявятым дзіцем у сям’і Луі і Мары-Зэлі Мартэн. Бацькі Тэрэзы былі кананізаваныя Папам Францішкам у 2015 годзе. Сама яна ўступіла ў Ордэн кармэлітак, стаўшы Тэрэзай ад Дзіцяткі Езуса і Найсвяцейшага Аблічча, і, ідучы сваёй «малой дарогай», дасягнула святасці, адышоўшы ў вечнасць ва ўзросце ўсяго 24-х гадоў.
Сёлета прыпадае 150-я гадавіна з дня нараджэння святой Тэрэзы з Лізьё, таму гэты год быў абвешчаны юбілейным.
Беларускі Кармэль хоча ўключыцца ў юбілейнае святкаванне, і з гэтай нагоды арганізуе ў Мінску прысвечаны святой Тэрэзе сімпозіум.
Праграма
- 11.30 – адкрыццё сімпозіума: біскуп Юрый Касабуцкі, Генеральны Вікарый Мінска-Магілёўскай Архідыяцэзіі
- 11.45 – уступнае слова і прывітанне ўдзельнікаў: айцец Пётр Фраштэнга OCD, Рэгіянальны вікарый кармэлітаў босых у Беларусі
- 12.00 – даклад на тэму: «У сэрцы Касцёла, маёй Маці, буду любоўю» — айцец Аркадзь Куляха OCD
- 13.15 – абед
- 15.00 – вяночак да Божай Міласэрнасці
- 15.15 – даклад на тэму: «Давер Богу ў жыцці i шляху духоўнага сыноўства святой Тэрэзы ад Дзіцяткі Езуса» — айцец Кшыштаф Весялоўскі OCD
- 16.45 – перапынак на каву
- 17.15 – даклад на тэму: «Гісторыя перэгрынацыі рэліквій святой Тэрэзы ад Дзіцяткі Езуса ў Беларусі» — сястра Таццяна Касабуцкая CSCII
- 19.00 – урачыстая святая Імша
- 20.00 – вячэра
Айцы кармэліты босыя сардэчна запрашаюць усіх ахвотных узяць удзел у юбілейным сімпозіуме.
Адрас:
Кляштар кармэлітаў босых у Мінску
вул. Герасіменкі, 6/1
Дадатковая інфармацыя па тэл.:
- +375 (17) 367 07 17
- +375 (44) 759 45 25 – айцец Сяргей Трысцень OCD
або праз e-mail: karmelity.minsk@gmail.com
