Міждыяцэзіяльная вышэйшая духоўная семінарыя ў Гродне абвяшчае прыём кандыдатаў на 2023–2024 навучальны год

Фота: vdsgrodna.by

Міждыяцэзіяльная вышэйшая духоўная семінарыя ў Гродне праводзіць прыём кандыдатаў на 2023–2024 навучальны год.

Працэс падрыхтоўкі да святарства паводле новага Ratio Fundamentalis Institutionis Sacerdotalis ад 8 снежня 2016 года працягваецца сем гадоў, уключаючы ў сябе інтэгральную фармацыю: чалавечую, духоўную, інтэлектуальную і пастырскую.

Семінарыя як вышэйшая навучальная ўстанова Рыма-Каталіцкага Касцёла дае неабходныя веды і развівае якасці, патрэбныя для плённага служэння людзям і Касцёлу ў якасці святара.

У працэсе падрыхтоўкі семінарысты ўзрастаюць у веры, будуючы фундамент духоўнага жыцця праз розныя аскетычныя практыкі і пазнаюць сябе як чалавека на розных узроўнях; вывучаюць філасофскія і тэалагічныя прадметы, а таксама класічныя і замежныя мовы і дапаможныя дысцыпліны. Акрамя духоўнага фармавання і інтэлектуальнай падрыхтоўкі, прадугледжана літургічная практыка ў парафіях. Пасля заканчэння семігадовай фармацыі, кандыдат мае права звяртацца да біскупа з просьбай аб удзяленні яму пасвячэння.

Уступны экзамен

Прыём дакументаў і ўступны экзамен для кандыдатаў з усіх дыяцэзій адбудзецца ў духоўнай семінарыі па адрасе: г. Гродна, вул. Парыжскай Камуны, 1 А.

• 8 жніўня – прыезд на 18.00 (прадугледжаны начлег для кандытаў);
• 9 жніўня – падача дакументаў;
• 10 жніўня – экзамен (пачатак у 10.00).

Падчас уступнага экзамену кандыдат павінен паказаць свае веды па асноўных тэмах са Святога Пісання, катэхізіса, гісторыі Касцёла, гісторыі Касцёла ў Беларусі, дыяцэзіі, актуальнага жыцця Каталіцкага Касцёла.

Прыём дакументаў

• Рэктарат семінарыі ў Гродне:
  • па папярэднім запісе па тэл.: +375 (15) 262 22 22;
  • адрас: г. Гродна, вул. Парыжскай Камуны, 1 А
  • дакументы прымае дзяжурны святар.
• Мінска-Магілёўская архідыяцэзія:
  • па папярэднім запісе па тэл.: +375 (29) 553 90 76 (акрамя нядзель і ўрачыстасцяў);
  • адрас: г. Мінск, вул. Рэвалюцыйная, 1 А;
  • дакументы прымае кс. канонік Дзмітрый Пухальскі.
• Віцебская дыяцэзія:
  • па папярэднім запісе па тэл.: +375 (29) 884 54 82 (акрамя нядзель і ўрачыстасцяў);
  • адрас: Віцебская вобл., г. Глыбокае, вул. Савецкая, 1;
  • дакументы прымае кс. Мікалай Ціхановіч.
• Пінская дыяцэзія:
  • па папярэднім запісе па тэл.:
    • +375 (29) 727 31 98 – кс. Андрэй Рылка;
    • +375 (29) 850 23 01 – кс. Чэслаў Ладыка;
  • адрас: Брэсцкая вобл., г. Пінск, вул. Леніна, 16;

Кандыдаты ў семінарыю павінны прадставіць наступныя дакументы:

• Уласнаручна напісаная заява аб прыняцці ў семінарыю з матывацыяй свайго рашэння.
• Уласнаручна напісаная аўтабіяграфія.
• Атэстат аб сярэдняй адукацыі альбо дыплом аб заканчэнні іншай навучальнай установы.
• Сертыфікаты трох ЦТ (централізаванага тэсціравання):
  1. беларуская / руская мова;
  2. замежная мова;
  3. гісторыя Беларусі / сусветная гісторыя / грамадазнаўства.
• Пасведчанне аб хросце.
• Пасведчанне аб канфірмацыі.
• Пасведчанне аб удзеле ў катэхезе.
• Характарыстыка ад пробашча.
• Характарыстыка ад катэхэта.
• Медыцынская даведка для паступлення ў ВНУ.
• Пашпарт і яго ксеракопія (старонкі 31–33).
• Ваенны білет або прыпісное пасведчанне (яго ксеракопія).
• 4 фотаздымкі (3х4 см).

Кандыдат павінен быць практыкуючым католікам (не менш за тры гады) і валодаць неабходнымі якасцямі для будучага святарскага служэння.

З пытаннямі звяртацца па тэлефонах:

• +375(15) 262 22 22 – Міждыяцэзіяльная вышэйшая духоўная семінарыя ў Гродне;
• +375(29) 588 22 97 – кс. Віталь Вайцяхоўскі, рэктар;
• +375(29) 782 60 95 – кс. Ян Раманоўскі, прэфект.