7 мая, у першую нядзелю месяца, асаблівым чынам прысвечанага ўшанаванню Найсвяцейшай Панны Марыі, у Гродзенскай дыяцэзіі адзначаецца Дзень маці.
У гэты дзень адмысловыя малітвы за матуль — жывых і памерлых — пройдуць у дыяцэзіяльных санктуарыях у Барунах, Гудагаі і Тракелях.
- Дыяцэзіяльны санктуарый Маці Божай Суцяшальніцы Засмучаных у Барунах (Ашмянскі дэканат):
- 14.00 – адарацыя Найсвяцейшага Сакрамэнту
- 14.30 – Маёвае набажэнства
- 15.00 – святая Імша з асаблівай малітвай за ўсіх матуль
Біскуп Гродзенскі Аляксандр Кашкевіч у дыяцэзіяльны Дзень маці напачатку наведае санктуарый у Гудагаі, дзе ўзначаліць цэлебрацыю святой Імшы і ўдзеліць сакрамэнт канфірмацыі групе мясцовых вернікаў.
- Дыяцэзіяльны санктуарый Маці Божай Шкаплернай у Гудагаі (Астравецкі дэканат):
- 9.30 – святая Імша з сакрамэнтам канфірмацыі; цэлебрацыю ўзначаліць біскуп Аляксандр Кашкевіч
- 11.30 – святая Імша; пасля Імшы — Маёвае набажэнства
- 13.00 – святая Імша
З Гудагая пастыр Касцёла Гродзенскай дыяцэзіі скіруецца ў Тракельскі санктуарый, дзе адбудзецца малітоўная сустрэча пад дэвізам: «Марыя, аб’яднай нашыя сэрцы і сем’і».
- Дыяцэзіяльны санктуарый Маці Божай Каралевы нашых сем’яў у Тракелях (Радунскі дэканат):
- 11.30 – адарацыя Найсвяцейшага Сакрамэнту
- 13.00 – святая Імша ў інтэнцыі ўсіх матуль Гродзенскай дыяцэзіі: як жывых, так і памерлых; цэлебрацыю ўзначаліць біскуп Аляксандр Кашкевіч
- 14.30 – сустрэча пры каве «Штодзённыя клопаты матуль» (Дом пілігрыма)
- 15.00 – Крыжовы шлях «Тая, што пад Крыжам стаяла…»
- Заканчэнне сустрэчы, благаслаўленне, ад’езд.
Тэлефон для атрымання дадатковай інфармацыі і запісу на малітоўную сустрэчу ў Тракелях:
+375 29 289 36 38
Кожны, хто ў першую нядзелю мая наведае адзін з гэтых санктуарыяў, зможа памаліцца аб Божым благаслаўленні і святасці для сваёй маці і ўсіх маці дыяцэзіі, а для памерлых матуль — аб вечным жыцці ў небе, падзякаваць Богу за дар мацярынства, а таксама памаліцца аб адзінстве і еднасці сем’яў.
