4 сакавіка, у першую суботу месяца, у Нацыянальным санктуарыі ў Будславе пройдзе чарговая сустрэча ў межах Вялікай навэнны падрыхтоўкі да юбілею каранацыі цудадзейнага абраза.
Сакавіцкая малітоўная сустрэча збярэ каля Маці Божай Будслаўскай прадстаўнікоў руху «Маці ў малітве» і Апостальскага руху «Маргарытка» з усёй Беларусі. Разам з імі перад каранаваным 25 гадоў таму па распараджэнні святога Яна Паўла ІІ цудадзейным абразом будзе маліцца Генеральны вікарый Мінска-Магілёўскай архідыяцэзіі біскуп Юрый Касабуцкі.
Праграма сустрэчы
- 11.00 – прывітанне пілігрымаў
- 11.30 – Ружанец, споведзь
- 12.00 – святая Імша
- 13.00 – адарацыя Найсвяцейшага Сакрамэнту
- 13.30 – перапынак на каву і пачастунак
- 14.20 – канферэнцыя
- 15.00 – Вяночак да Божай Міласэрнасці
- благаслаўленне вады і рэлігійных рэчаў
- інтэрактыўны адпачынак
Адноўлена прамая трансляцыя набажэнстваў з Нацыянальнага санктуарыя ў Будславе. З яе дапамогай можна духоўна далучыцца да ўдзелу ў Вялікай навэнне падрыхтоўкі да 25-годдзя з часу каранацыі абраза Маці Божай Будслаўскай.
