Санктуарый Гродзенскай дыяцэзіі Маці Божай Каралевы нашых сем’яў у Тракелях запрашае ахвотных узяць удзел у выставе-конкурсе дэкаратыўна-прыкладной творчасці «Тракельскі цуд», які пройдзе 28 мая.
Узрост удзельнікаў выставы-конкурсу «Тракельскі цуд» не абмежаваны. Творчыя работы будуць ацэньвацца ў трох ўзроставых катэгорыях:
- дзеці (да 12 гадоў);
- падлеткі (13–18 гадоў);
- дарослыя (ад 19-і гадоў і старэйшыя).
У выставе-конкурсе прымаюць удзел індывідуальныя і калектыўныя работы, выкананыя ў розных відах дэкаратыўна-прыкладной творчасці:
- мастацкая саломка (аплікацыя саломкай, саломапляценне),
- мастацкі роспіс (роспіс па тканіне, шкле, дрэве, батык),
- мастацкі тэкстыль (ткацтва, вышыўка, габелен, лямец),
- кераміка,
- разьба па дрэве,
- выцінанка,
- паперапластыка і інш.
Тэматыка работ:
- «Гісторыя Тракельскай зямлі»;
- «Ля ног Маці Божай Тракельскай»;
- «Цуды ў Марыйным садзе».
Работы павінны быць творчымі і арыгінальнымі ў тэматычным плане, у эксперыментаванні з матэрыялам, мець яркае і выразнае раскрыццё вобразаў; выкананы акуратна, згодна з тэхналогіямі, у адпаведнасці з кампазіцыйнымі асаблівасцямі.
Афармленне работ:
на кожнай рабоце абавязкова размяшчаецца тлумачальная запіска, дзе ўказваецца прозвішча і імя, узрост аўтара; назва работы, парафія (пры жаданні аўтара).
Выстава адбудзецца 28 мая.
Журы разглядае работы, прадстаўленыя на выставу-конкурс, у адпаведнасці з напрамкамі, намінацыямі і ўзроставымі катэгорыямі ўдзельнікаў. Пры ацэньванні творчых работ будзе ўлічваць:
- выкарыстанне цікавых тэхнік і тэхналогій у творчых работах;
- кампазіцыйнае і каляровае рашэнне;
- мастацкі ўзровень выставачных работ;
- спалучэнне традыцыйнай творчасці і сучаснай культуры;
- арыгінальнасць ідэі, самабытнасць мастацкага ўвасаблення.
Журы пакідае за сабой права на вызначэнне колькасці прызавых месцаў у намінацыях (колькасць прызавых месцаў можа быць павялічана або зменшана).
Журы ўзначаліць біскуп Гродзенскі Аляксандр Кашкевіч.
- Задаць пытанні і ўдакладніць інфармацыю можна па тэл.:
+375 (29) 289 36 38 (МТС) — ксёндз Юрый Бяганскі - Інстаграм: @sanktuaryimatsi
Падчас выставы пры жаданні аўтары будуць мець магчымасць прадаць свае работы вернікам ці ахвяраваць cанктуарыю для далейшага ўпрыгожвання тэрыторыі ці Дома пілігрыма.
