Пошук

17.11.2022 14:23   Catholic.by
Фота Сяргея Міхаленкі / Zнята

У нядзелю 20 лістапада ў касцёле святога Арханёла Міхала ў Навагрудку будзе цэлебравацца святая Імша за спачылага ксяндза Леаніда Несцюка, былога пробашча парафій у Іўі і Гервятах (Гродзенская дыяцэзія).

Шматгадовы пробашч гервяцкай парафіі, што на Аставеччыне, якая шмат у чым дзякуючы намаганням гэтага руплівага святара стала вядомай надзвычайнай прыгажосцю тутэйшай святыні і навакольнай тэрыторыі, адышоў у вечнасць 23 сакваіка 2017 года.

Пачатак святой Ішы ў 15.00.

Пасля малітвы адбудзецца канцэрт і прэзентацыя кнігі-біяграфіі «Вялікая душа маленькай парафіі». Мерапрыемства ладзіцца па ініцыятыве сяброў, знаёмых і проста людзей, удзячных за той унёсак, які быў зроблены ксяндзом Леанідам Несцюком у аднаўленне касцёла, вяртанне яму велічы і неафіцыйнага тытула найпрыгажэйшага касцёла ў Беларусі.

Ушанаваць памяць спачылага душпастыры запрашаюць усіх, хто хацеў бы памаліцца аб вечным жыцці для яго і падзякаваць Богу за дар гэтага руплівага святара нашай зямлі.

Падчас прэзентацыі ахвотныя змогуць набыць прысвечаную ксяндзу Леаніду Несцюку кнігу-біяграфію.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа