Фота Ірэны Ахрамовіч
Урачыстасці ў санктуарыі Маці Божай Шкаплернай ў мястэчку Гудагай, што на Астравеччыне, сёлета пройдуць 16–17 ліпеня.
У гэтым годзе вернікі гудугайскай парафіі і айцы кармэліты босыя, якія апякуюцца гэтым санктуарыем Гродзенскай дыяцэзіі і цудадзейным абразом Маці Божай Шкаплернай, будуць дзякаваць за дар яго каранацыі, якую 15 гадоў таму здзейсніў святой памяці кардынал Казімір Свёнтэк.
Праграма фэсту
- 16 ліпеня, субота
- 18.00 – святая Імша на заканчэнне навэнны
- 19.45 – Акатыст у гонар Багародзіцы (Марыйнае набажэнства ў грэка-каталіцкім абрадзе)
- 20.30 – Крыжовы шлях на Кальварыі
- Пасля заканчэння – малітоўнае чуванне ў касцёле
- 17 ліпеня, нядзеля
- 0.00 – працэсія святла і святая Імша
- 10.00 – святая Імша на польскай мове
- 12.00 – адпустовая святая Імша
У духу радасці і ўдзячнасці Пану Богу пробашч гудагайскай парафіі айцец Аркадзь Куляха OCD ад імя айцоў кармэлітаў і вернікаў парафіі запрашае ўсіх ахвотных на адпустовую ўрачыстасць Маці Божай Шкаплернай у 15-ю гадавіну каранацыі Яе цудадзейнага абраза ў Гудагаі.
