У адказ на запрашэнне Папы Францішка далучыцца да Чыну прысвячэння Расіі і Украіны Беззаганнаму Сэрцу Марыі, які Святы Айцец здзейсніць 25 сакавіка, у магілёўскай катэды Унебаўзяцця Найсвяцейшай Панны Марыі і святога Станіслава ў гэты дзень адбудзецца адпаведнае набажэнства.
Узначаліць набажэнства Генеральны вікарый Мінска-Магілёўскай архідыяцэзіі біскуп Аляксандр Яшэўскі SDB.
Праграма набажэнства
- 18.00— пакутнае набажэнства (Крыжовы шлях)
- 18.30 — святая Імша.
- 19.00 — адмысловае набажэнства з выстаўленнем Найсвяцейшага Сакраманту і Чынам прысвячэння Расіі і Украіны Беззаганнаму Сэрцу Марыі.
Усіх вернікаў Магілёва біскуп Яшэўскі сардэчна запрашае далучыцца да супольнай малітвы.
