У суботу 19 лютага ў Росіцы адбудуцца зімовыя ўрачыстасці ў гонар благаслаўлёных Антонія Ляшчэвіча і Юрыя Кашыры, святароў марыянаў, мучанікаў Другой сусветнай вайны.
Вёска Росіца Верхнядзвінскага раёна вядомая выключным прыкладам гераізму веры на нашай зямлі.
Тут у 1943 годзе двое святароў марыянаў добраахвотна аддалі сваё жыццё за веру, ідучы на смерць разам са сваімі парафіянамі, жыўцом спаленымі нацысцкімі карнікамі.
Штогод тут адбываюцца ўрачыстасці ў памяць аб гэтым сведчанні веры.
Праграма
- 11.00 – адарацыя Найсвяцейшага Сакрамэнту з магчымасцю споведзі
- 12.00 – святая Імша (цэлебруе біскуп Віцебскі Алег Буткевіч)
- 13.30 – працэсія на месца мучаніцтва і заканчэнне ўрачыстасцяў
- пасля працэсіі ўсім ахвотным будзе прапанавана гарачая гарбата і невялікі пачастунак
У сувязі з сітуацыяй пандэміі каранавірусу арганізатары просяць усіх, хто прыбывае ў Росіцу, захоўваць масачны рэжым і сацыяльную дыстанцыю.
На зімовыя ўрачыстасці ў Росіцу скіруецца аўтобусная пілігрымка з Мінска>>>
Увага! Паколькі Росіца знаходзіцца ў памежнай зоне, усім удзельнікам неабходна мець пры сабе пашпарт.
