4 снежня прыпадае 30-я гадавіна з дня смерці ксяндза прэлата Гжэгажа Каласоўскага, шматгадовага пробашча ў Нясвіжы.
Ксёндз Гжэгаж прыняў прэзбітэрскае пасвячэнне ў 1939 годзе і стаў пробашчам нясвіжскай парафіі ў гады Другой сусветнай вайны. Гэты нязломны і руплівы душпастыр заставаўся са сваёй паствай пад нямецкай і савецкай акупацыяй, мужна баронячы веру і падтрымліваючы рэлігійнае жыццё ў час бязлітаснага пераследу Касцёла.
Ксёндз Гжэгаж Каласоўскі быў пробашчам парафіі Божага Цела ў Нясвіжы амаль паўстагоддзя, да сваёй смерці ў 1991 годзе.
З нагоды 30-й гадавіны яго адыходу ў вечнасць нясвіжскія вернікі ўшануюць памяць свайго шматгадовага душпастыра супольнай малітвай. Па запрашэнні сённяшняга пробашча парафіі Божага Цела ў Нясіжы ксяндза каноніка Пятра Шарко, дэкана Нясвіжскага, у ёй возьмуць удзел арцыбіскуп эмерыт Тадэвуш Кандрусевіч і Генеральны вікарый Мінска-Магілёўскай архідыяцэзіі біскуп Юрый Касабуцкі.
Пачатак цэлебрацыі 4 снежня ў 11.00
