![](/3/images/news/2021/06/2020-10-05-kaledz57.jpg)
У Гродне распачынаецца набор навучэнцаў у Тэалагічны каледж імя святога Казіміра на новы, 2021–2022 навучальны год.
Сярод галоўных мэт Тэалагічнага каледжа ў Гродне — умацаванне веры, паглыбленне рэлігійных ведаў і падрыхтоўка спецыялістаў для рэлігійнай дзейнасці. Навучанне ў каледжы працягваецца тры гады, з верасня па чэрвень.
Форма навучання — завочная. Заняткі праводзяцца ў 1-ю і 3-ю суботу і нядзелю месяца.
Пасля заканчэння каледжа выпускнікі могуць працягваць навучанне ў каталіцкіх ВНУ і атрымаць ступень магістра або доктара.
Навучэнцы каледжа маюць магчымасць атрымаць веды па тэалогіі (дагматычнай, маральнай, пастаральнай), Святым Пісанні, гісторыі Касцёла, літургіі, кананічным праве, патралогіі, сямейнай этыцы, сацыяльным вучэнні Касцёла, філасофскіх навуках (гісторыі філасофіі, тэадыцэі), псіхалогіі, педагогіцы, катэхетыцы, сродках масавай камунікацыі і іншых дысцыплінах, згодна з нормамі і вучэннем Каталіцкага Касцёла.
Дакументы, неабходныя для паступлення:
- заява (напісаная ўласнаручна);
- біяграфія (напісаная ўласнаручна);
- рэкамендацыйны лiст ад пробашча парафii;
- копiі пасведчанняў аб сакрамэнтах хросту і канфірмацыі;
- копiя атэстату аб агульнай сярэдняй адукацыі ці iншыя дакументы аб адукацыi;
- копiя пашпарта (с. 31–33);
- 4 фотаздымкi 3х4;
- медыцынская даведка;
- анкета (запаўняецца пры падачы дакументаў).
Дакументы прымаюцца пасля папярэдняга запісу з 1 чэрвеня да 20 жніўня кожны аўторак з 10.00 да 12.00 у біскупскай курыі па адрасе:
г. Гродна, вул. К. Маркса, 4.
e-mail: kaledz.tealagiczny@gmail.com
Кваліфікацыйная размова адбудзецца 24 жніўня ў 11.00.
Дакументы падаюцца асабіста.