Ксёндз Юзаф Занеўскі SDB. Фота: sdb.by
У нядзелю 9 мая ў парафіі святых апосталаў Пятра і Паўла ў Жупранах (Ашмянскі дэканат) адбудзецца святая Імша падзякі за 80 гадоў жыцця і ахвярнае служэнне ксяндза Юзафа Занеўскага, салезіяніна.
З 1982 па 1991 год ксёндз Юзаф быў пробашчам у Жупранах. У гэты час ён ездзіў цэлебраваць Імшы таксама ў касцёле святога Якуба ў Цудзенішках і ў капліцы Найсвяцейшага Імя Марыі ў Гародніках.
Пачатак урачыстай святой Імшы ў 80-я ўгодкі святара ў 14.00.
Беларуская супольнасць салезіянаў святога ксяндза Боско шчыра запрашае ўсіх ахвотных узяць удзел у цэлебрацыі.
