У першай палове дня ў Вялікі чацвер, які сёлета прыпадае на 1 красавіка, у Мінску і Магілёве адбудуцца цэлебрацыі святой Імшы Хрызма з удзелам біскупаў і духавенства Мінска-Магілёўскай архідыяцэзіі.
Мітрапалітальная Курыя паведамляе, што святая Імша Хрызма будзе цэлебравацца:
- ў мінскай архікатэдры Найсвяцейшага Імя Марыі — у 10.00;
- у магілёўскай катэдры Унебаўзяцця Найсвяцейшай Панны Марыі і святога Станіслава — у 11.00.
Святароў запрашаюць узяць удзел у цэлебрацыях святой Імшы Хрызма ў сваім рэгіёне з улікам складанай эпідэміялагічнай сітуацыі.
