1 сакавіка ў мінскай парафіі святога Яна Евангеліста і святога Максімільяна Кольбэ адбудзецца агульнабеларускi велiкапосны дзень духоўнага засяроджання для манаскіх супольнасцяў, якія нясуць служэнне ў нашай краіне.
Да дня засяроджання з дапамогай прамой трансляцыі могуць духоўна далучыцца ўсе манаскія дамы, а таксама паасобныя браты і сёстры, якія працуюць у нашай краіне.
Праграма дня засяроджання
- 11.00 — Крыжовы шлях;
- 11.30 — духоўная кнферэнцыя;
- 12.00 — святая Iмша з гаміліяй.
Мэтай малітоўнай сустрэчы кансэкраваных асоб з’яўляецца еднасць у малітве ў перыяд Вялікага посту. Падчас малітвы ўдзельнікі давераць Марыі манаскія супольнасці, якія дзейнічаюць у Беларусі, і ўсіх, хто даручаны іх пастырскай апецы.
Кансэкраванае жыццё мае вялікую каштоўнасць у вачах Бога.
Кожны ахрышчаны асаблівым чынам прыналежыць да Валадарства Божага. Праз моц сакрамэнту хросту ўсё, што робіць хрысціянін, атрымлівае глыбейшае значэнне: прыносіць плады не толькі ў гэтым свеце, але дасягае вечнасці — кожны ўчынак мае вечнае вымярэнне.
Аднак у супольнасці ахрышчаных ёсць выбраныя душы, якія Бог без ніякіх іхніх заслугаў выбірае сабе ў выключную ўласнасць. Гэтыя душы пакліканы Богам да жыцця, цалкам прысвечанага Яму. Ён дае ім звышнатуральныю здольнасць падрыхтавацца і прынесці манаскія абяцанні чыстасці, убоства і паслухмянасці.
Такім чынам чалавек становіцца асобай кансэкраванай — цалкам прысвечанай Богу.
Адгэтуль кожны жэст паслугі ў супольнасці Касцёла, нават найменшы ўчынак, моцай манаскай кансэрацыі набывае вялікую каштоўнасць у вачах Бога. Кансэраваныя асобы нясуць разнастайнае служэнне паводле сваіх харызмаў — асаблівых дароў Духа Святога, атрыманых ад заснавальнікаў той ці іншай супольнасці ці манаскай сям’і. Таму ў Касцёле дзейнічаюць розныя манаскія ордэны і законніцкія кангрэгацыі, каб абхапіць паслугай усе сферы жыцця супольнасці Касцёла.
