З 8 па 12 ліпеня пройдзе ў анлайн-фармаце XXVI грэка-каталіцкая пілігрымка Віцебск – Полацк.
Дэвіз пілігрымкі — Orientale Lumen («Святло Усходу»). Гэта назва Апостальскай адгартацыі св. Яна Паўла ІІ ад 2 мая 1995 г., якая з’яўляецца базай духоўнай праграмы пілігрымкі ў гэтым годзе.
Пілігрымка пройдзе анлайн з прычыны складанай сітуацыі эпідэміі.
На сайце svjazep.org будуць змяшчацца духоўныя матэрыялы на кожны дзень пілігрымкі. Іх можна свабодна перапосціць у сацсеткі.
Кожны можа далучыцца да духоўнай праграмы ў сваім месцы пражывання.
Малітоўную платформу праграмы прапануе грэка-каталіцкая парафія ў Полацку. На адрас polatsk170@gmail.com можна даслаць інтэнцыі, якія будуць уключаныя ў штодзённую Боскую Літургію ў гэтыя дні і ў якіх будуць маліцца валанцёры пілігрымкі.
Біблійныя тэксты на дні пілігрымкі: Евангелле паводле св. Яна, раздзелы 1-5 (на кожны дзень адзін раздел).
Пілігрымка завершыцца ў Полацку пры храме св. Параскевы Полацкай у нядзелю 12 ліпеня. Боская Літургія распачнецца ў 11.00.
Далучыцца да пілігрымкі і адзначыць 100-годдзе нараджэння св. Яна Паўла ІІ запрашаюцца ўсе жадаючыя.
