Сёння, 27 студзеня, калі ў свеце адзначаецца абвешчаны Генеральнай Асамблеяй ААН Дзень памяці ахвяраў Халакосту, каталіцкія біскупы Еўропы з нагоды 75-й гадавіны вызвалення вязняў лагера смерці Аўшвіц–Біркенаў, створанага нацыстамі каля польскага Асвенціма, заклікаюць усіх вернікаў да малітвы.
А 15-й гадзіне, гэта значыць у гадзіну вызвалення вязняў лагера Аўшвіц–Біркенау, каталіцкія біскупы Еўропы заклікаюць запаліць свечкі і памаліцца за забітых у лагерах смерці людзей розных нацыянальнасцяў і веравызнанняў, а таксама за іх блізкіх.
«Няхай наша малітва паглыбіць прымірэнне і братэрства, супрацьлегласцю якога з’яўляецца варожасць, а таксама разбуральныя канфлікты і ўсё больш глыбокія непаразуменні», — гаворыцца ў спецыяльнай заяве, скіраванай з гэтай нагоды еўрапейскімі іерархамі.
