Пошук


27.07.2019 21:14   Паводле: Grodnensis.by
Фота grodnensis.by
Фота grodnensis.by

Сёлета прыпадае 76-я гадавіна мучаніцкай смерці благаслаўлёных сясцёр назарэтанак з Навагрудка. Яны былі расстраляны ў Батароўскім лесе 1 жніўня 1943 г., падчас Другой сусветнай вайны.

Як паведамляе партал Гродзенскай дыяцэзіі Grodnensis.by, галоўныя ўрачыстасці пройдуць у Навагрудку 31 ліпеня – 1 жніўня.

Сёстры ахвяравалі сваё жыццё за 120 чалавек, арыштаваных і прыгавораных да расстрэлу. Смяротнае пакаранне было заменена для арыштаваных на працы ў Германіі (затрыманыя былі вывезены 24 ліпеня, а некаторыя вызвалены). Усе вывезеныя перажылі вайну.

Сёстры былі беатыфікаваны 5 сакавіка 2000 г. папам Янам Паўлам ІІ.

Праграма ўрачыстасцяў

31 ліпеня

  • 18.00 – святая Імша ў лесе на месцы мучаніцтва (цэлебрацыю ўзначаліць біскуп Гродзенскі Аляксандр Кашкевіч)
  • 21.00 – пачатак начнога чування ў навагрудскім фарным касцёле Перамянення Пана
  • 22.00 – канферэнцыя і Вяночак да Божай Міласэрнасці ў гонар благаслаўлёных сясцёр у інтэнцыі сем’яў
  • 23.00 – адарацыя Найсвяцейшага Сакрамэнту

1 жніўня

  • 2.00 – Крыжовы шлях
  • 2.45 – Вяночак да Божай Міласэрнасці
  • 3.00 – праграма, падрыхтаваная ўдзельнікамі пешай пілігрымкі Гродна-Навагрудак
  • 4.30 – святая Імша ў прыкладную гадзіну расстрэлу сясцёр
Абноўлена 28.07.2019 10:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа