Танцавальна-музычны гурт Quo Vadis сардэчна запрашае моладзь на танцавальную сустрэчу «#Танцуй для Яго», якая адбудзецца 23-24 жніўня ў Мёрах.
Як паведамляе партал Catholicnews.by, арганізуе мерапрыемства парафія Унебаўзяцця Найсвяцейшай Панны Марыі і Язафата Кунцэвіча ў Мёрах пры дапамозе Душпастырства моладзі Віцебскай дыяцэзіі.
Тэма сустрэчы — «Калі Бог займае першае месца ў тваім жыцці, усё астатняе будзе на сваім», дэвіз — «Любі і танцуй».
Падчас сустрэчы ўдзельнікі будуць вучыцца выражаць праз танцы свае пачуцці да Бога, перажыванні, любоў.
Удзельнікам пажадана падрыхтаваць танец. З сабой неабходна мець зручны абутак і дажджавік (на выпадак дажджу).
Для ўдзелу ў сустрэчы неабходна прайсці анлайн-рэгістрацыю да 15 жніўня.
Кошт удзелу: 5 рублёў.
Праграма будзе пададзена пазней.
Па ўсіх пытаннях звяртацца:
+375 29 558 46 25 — с. Таццяна Гмыза
+375 33 399 88 24 (Viber) — Дзіяна
+375 33 399 88 25 — Вікторыя
Як паведаміла Catholic.by сястра Таццяна Гмыза, ідэя, каб праславіць Бога танцам, з’явілася ў моладзі з Мёраў.
У мінулым годзе ўпершыню адбылася сустрэча пад назвай «Танцуй для Яго», у якой удзельнічала моладзь з Полацка, Браслава, Друі і Мёраў.
«Перш за ўсё сустрэча злучала моладзь на святой Імшы, катэхезе, працы ў групах. Ну і, канешне, было шмат танцаў, каб імі праслаўляць Пана», — распавяла сястра. Таксама, па яе словах, маюць месца і інтэграцыйныя танцы.
«Кожны ўдзельнік ад’язджае задаволеным і поўным радасці. Мы рыхтуемся да такой сустрэчы і ў гэтым годзе, і з радасцю будзем чакаць кожнага», — дадала с. Таццяна.
