29 чэрвеня ў Любчы адбудзецца асвячэнне касцёла Найсвяцейшага Сэрца Езуса і св. Марыі ад Езуса Укрыжаванага.
Урачыстыя мерапрыемствы распачнуцца ў 14.30 каля ўваходнай брамы Любчанскага замка адкрыццём памятнага знаку на месцы, дзе быў пабудаваны першы касцёл на тэрыторыі Вялікага Княства Літоўскага.
Потым у 15.00 распачнецца ўрачыстая святая Імша і асвячэнне касцёла біскупам Гродзенскім Аляксандрам Кашкевічам.
Плануецца прысутнасць біскупа Пінскай дыяцэзіі, а таксама шматлікіх святароў і гасцей з Беларусі і замежжа
Каля 17.00 распачнецца творчая частка праграмы, якая будзе праходзіць каля святыні. На канцэртнай пляцоўцы выступяць творчыя калектывы з Мінска, Навагрудка і Любчы. Будуць таксама абвешчаны прызёры віктарыны і конкурсу вершаў пра Любчу. Адбудзецца конкурс печыва любчанаў, пачастункі для ўсіх прысутных, выставы народных майстроў і іншае.
Запрашаюцца ўсе жадаючыя.
Паводле некаторых звестак, менавіта ў Любчы ў Нёмане быў ахрышчаны Міндоўг. Тут таксама было заснавана першае біскупства на тэрыторыі Вялікага княства Літоўскага і закладзена першая рыма-каталіцкая святыня.
