На першы курс у Вышэйшую духоўную семінарыю ў Гродне залічаны тры кандыдаты. Залікоўкі навучэнцы атрымаюць 23 верасня падчас урачыстага распачацця новага навучальнага года.
Першыя дні прабывання ў семінарыі сталі для хлопцаў магчымасцю пазнаёміцца з семінарыйным жыццём. Акрамя таго, яны наведалі будынак біскупскай курыі, дзе сустрэліся з біскупам Гродзенскім Аляксандрам Кашкевічам.
Таксама семінарысты наведалі дыяцэзіяльны санктуарый Маці Божай Яснагорскай, Цярпліва Слухаючай, у Капцёўцы і капліцу бл. Цэліны Бажэнцкай у Абрэмшчыне.
