Дакументы для стварэння парафіяльнага летапісу збіраюць вернікі парафіі Св. Яна Хрысціцеля ў Валкалаце Докшыцкага раёна.
У рэдакцыю Catholic.by звярнулася Ганна Гірына з просьбай апублікаваць архіўны фотаздымак, які быў зроблены, верагодна, у міжваенны час і мае дачыненне да парафіі.
Гэта фота з сямейнага альбома адной пажылой парафіянкі, якая прынесла яго незадоўга да сваёй смерці. Жанчына, аднак, не ведала, дзе і калі яно было зроблена, а таксама хто на ім.
Яе сям’я лічыла, што ў цэнтры здымка — кс. Рамуальд Дроніч, які загінуў у гады вайны ў Баразвецкай турме.
Магчыма, хтосьці з чытачоў Catholic.by пазнае на фотаздымку кагосьці са сваіх блізкіх. Пішыце нам на пошту info@catholic.by.
