16-гадовая дзяўчына стала першым у свеце пацыентам з новай мадэллю штучнага сэрца, паведаміў каталіцкі шпіталь Bambino Gesù, які належыць Святому Пасаду.

Дзяўчына, якая пакутвала на кардыяміапатыю ў вострай форме, магла памерці, і штучнае сэрца дало ёй магчымасць дажыць да перасадкі донарскага чалавечага сэрца.

Амаль 50 працэнтаў аперацый па перасадцы сэрца ў Італіі праводзіць шпіталь Bambino Gesù, гэтая ж установа была першай у свеце, якая перасадзіла пастаяннае штучнае сэрца дзіцяці.

Дзяўчына Вераніка, якая атрымала новае штучнае сэрца, і яе маці.

Новая мадэль штучнага сэрца HeartMate III выкарыстоўвае магнітную левітацыю, каб ліквідаваць шараванне магнітных частак і крыві, якая праходзіць праз сэрца. Прыстасаванне толькі праходзіць выпрабаванні ў ЗША, а ў Еўропе атрымала дазвол на выкарыстанне ў канцы 2015 года.

Аляксандр Гелагаеў паводле англійскай рэдакцыі Ватыканскага радыё і Аnsa.it