Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
«Пілігрымка ў горад міру» — фотавыстава ўкраінскай журналісткі адкрылася ў Санкт-Пецярбургу
23.09.2014 14:16

23 верасня ў санкт-пецярбургскім кляштары святога Антонія Цудатворцы, які належыць канвентуальным францішканам, адкрылася фотавыстава «Пілігрымка ў горад міру», прымеркаваная да гадавіны візіту Папы Францішка ў Асізі (Італія). Аўтар фотаработ — украінская журналістка Алена Кулыгіна.

Выстава стала не толькі нагодай прыгадаць дзіўную атмасферу пілігрымкі Пантыфіка ў горад святога Францішка, але і бачным знакам імкнення да міру і сяброўства двух славянскіх народаў, якія зараз перажываюць не лепшы перыяд ва ўзаемаадносінах.

Агульная вера і хрысціянскія каштоўнасці, як перакананыя арганізатары, стаяць вышэй за палітычныя спрэчкі і канфлікты.

 

 

15 фатаграфій, прадстаўленых на выставе, захавалі самыя яркія падзеі візіту Папы Францішка ў Асізі, твары пілігрымаў і галоўныя святыні самага вядомага горада Умбрыі.

Алена Кулыгіна, рэдактар Рэлігійна-інфармацыйнай службы Украіны, нарадзілася ў 1983 годзе. Яна з’яўляецца аўтарам навучальнага курса «PR для Цэркваў і рэлігійных арганізацый» ва Украінскім каталіцкім універсітэце, а таксама сааўтарам кнігі «Царква і СМІ: 7 крокаў да ўзаемаразумення».

Алена працуе ў пілігрымскім цэнтры Святога Хрыстафора ў львоўскай рыма-каталіцкай архідыяцэзіі і падарожнічае з пілігрымамі па ўсім свеце. Фотаздымкі, прадстаўленыя на гэтай выставе, былі зроблены 3 і 4 кастрычніка 2013 года ў Асізі.


 

Пры выкарыстанні матэрыялаў сайта спасылка на Catholic.By абавязкова.