Памёр нямецкі філосаф рэлігіі і каталіцкі тэолаг Эўген Бізер

26.03.2014 14:23

24 сакавіка ва ўзросце 96 гадоў адышоў у вечнасць сусветна вядомы нямецкі філосаф рэлігіі і каталіцкі тэолаг, кс. праф. Эўген Бізер. Пра гэта паведамляе Каталіцкае інфармацыйнае агенства. Эўген Бізер лічыўся адным з першых, хто займаўся пытаннем «тэрапеўтычнага хрысціянства», і з'яўляецца адным з найвялікшых дзеячаў каталіцкай тэалогіі. Навуковая спадчына, якую пакінуў гэты чалавек, складаецца са 150 кніг і 1400 іншых выданняў. За сваю навуковую дзейнасць навуковец атрымаў шматлікія ўзнагароды, найвышэйшая з якіх — ордэр Баварыі. Як адзначае старшыня фонду імя Эўгена Бізера, заснаванага напрыканцы 2002 года, Рычард Хэйзман, дзейнасць вялікага тэолага складае цэлую канцэпцыю хрысціянства ў перспектыве будучыні. (AYU)