|
Каталіцкія біскупы Украіны рашуча асудзілі спробу разагнаць майдан |
|
12.12.2013 12:59 |
|
 Канферэнцыя Каталіцкіх Біскупаў Украіны рашуча асуджае чарговае прымяненне сілы ноччу 11 снежня супраць мірных дэманстрантаў у Кіеве.
Пра гэта паведамляе Каталіцкі Медыя-Цэнтр.
«Ствараецца ўражанне, што прадстаўнікі ўлады не чуюць шматлікіх заклікаў да мірнага вырашэння канфлікту і іх дзеянні прыводзяць да ўзрастання напружання ў грамадстве і могуць несці за сабою непрадказальныя вынікі», — паведамляецца ў заяве епіскапату Украіны.
«Згодна з вучэннем Каталіцкага Касцёла народ мае права мужна, перамагаючы страх, выступаць супраць выпрабаванняў і пераследаў і абараняць справядлівую справу (ККК 1808). Абмежаванне правоў чалавека, у прыватнасці права на свабоднае выказванне сваіх перакананняў, недапушчальна і ганебна. Мы не губляем надзеі на тое, што мірны працэс усё ж пачнецца, і аб гэтым мы молімся да Бога разам з нашымі вернікамі», — адзначаюць прадстаўнікі Канферэнцыі Каталіцкіх Біскупаў Украіны. (AYU)
|
для друку
