Свята распачнецца Імшой у 18.00 у гродзенскім катэдральным касцёле св. Францішка Ксаверыя. Пасля адбудзецца Эўхарыстычная працэсія вуліцамі горада.

Завершыцца ўрачыстасць пры касцёле францішканаў. Пасля працэсіі будзе магчымасць прыняць удзел у святой Імшы для тых, хто не змог быць на папярэдняй Эўхарыстыі ў гродзенскай катэдры.

«Прашу вас, браты і бёстры, прыбыць на гэтую эўхарыстычную ўрачыстасць, якая будзе мець характар падзякі за 25 гадоў Гродзенскай дыяцэзіі і пройдзе ў межах Эўхарыстычнага Кангрэса, — звярнуўся да вернікаў і духавенства дыяцэзіі біскуп Гродзенскі Аляксандр Кашкевіч. — Асабліва запрашаю ўсіх дзяцей, якія ў гэтым годзе прыступілі да Першай святой Камуніі, каб падзякаваць за вялікі дар, які ў гэтым годзе яны атрымалі».

«Няхай сумеснае перажыванне ўрачыстасці будзе вызнаннем веры ўсіх католікаў Гродна і нашай сумеснай радасцю, што Пан Езус прабывае з намі ў Найсвяцейшым Сакрамэнце», — пажадаў іерарх.

(IL)