Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Праграма адкрыцця беатыфікацыйнага працэсу Эдварда Вайніловіча
Анонсы
09.04.2016 16:47

10 красавіка ў мінскім касцёле свв. Сымона і Алены (Чырвоны касцёл) пачнецца беатыфікацыйны працэс Эдварда Вайніловіча. Прапануем вашай увазе праграму адкрыцця беатыфікацыйнага працэсу. 

Эдвард Вайніловіч — грамадска-палітычны, культурны дзеяч і дабрачынца пачатку ХХ стагоддзя. Свядомы беларус, эрудыт, гаспадарнік, арганізатар і рэфарматар, палітык і мысліцель, які нарадзіўся ў 1847 годзе ў Савічах, а памёр у 1928 годзе ў Быдгашчы.

Вядомы таксама як фундатар касцёла свв. Сымона і Алены ў Мінску. Дапамагаў у будаўніцтве святыняў розных канфесій у Беларусі: каталіцкіх, праваслаўных, яўрэйскіх і мусульманскіх,  спрыяючы духоўнаму і культурнаму адраджэнню грамадства.

Эдвард Вайніловіч — узор сапраўднага патрыёта, выбітнага грамадскага і культурнага дзеяча, які нашмат апярэдзіў свой час.

Праграма:

11.00 — святая Імша
12.00 — сесія распачацця беатыфікацыйнага працэсу Слугі Божага Эдварда Вайніловіча
  • спеў «Узняліся крыжы над святынямі»;
  • малітва да Святога Духа, арцыбіскуп Тадэвуш Кандрусевіч;
  • інфармацыя канцлера курыі кс. Дзмітрыя Пухальскага аб прызначэнні беатыфікацыйнага трыбуналу;
  • уручэнне дэкрэтаў членам трыбуналу, арцыбіскуп Тадэвуш Кандрусевіч;
  • канцлер зачытвае дэкрэт прэфекта Кангрэгацыі па справах Кананізацыі кардынала Анджэло Амато;
  • віцэ-пастулятар кс. Раман Факсінскі звяртаецца да арцыбіскупа Тадэвуша Кандрусевіча і членаў трыбуналу з просьбай аб распачацці беатыфікацыйнага працэсу, зачытванне кароткай біяграфіі Эдварда Вайніловіча;
  • члены трыбуналу складаюць прысягу;
  • падпісанне прысяг (спеў хору);
  • слова падзякі ксяндза дэкана Уладзіслава Завальнюка, пробашча парафіі Свв. Сымона і Алены;
  • слова арцыбіскупа Тадэвуша Кандрусевіча, які чытае ліст арцыбіскупа Кракаўскага кардынала Станіслава Дзівіша; малітва аб беатыфікацыі; благаслаўленне;
  • працэсія да месца пахавання Эдварда Вайніловіча;
  • спеў «Regina Caeli»

(AYU)

 

Пры выкарыстанні матэрыялаў сайта спасылка на Catholic.By абавязкова.