У 100-годдзе з’яўлення ў падрэ Піо стыгматаў і ў 50-ю гадавіну яго адыходу да Пана, 17 сакавіка, Святы Айцец наведае месцы, звязаныя з жыццём і дзейнасцю святога капуцына.
Раніцай Папа прыбудзе на верталёце ў П’етрэльчыну. Там ён перш за ўсё затрымаецца для кароткай малітвы каля «вяза стыгматаў», пасля чаго сустрэнецца з вернікамі і з мясцовай супольнасцю капуцынаў.
Адтуль Святы Айцец скіруецца ў Сан-Джаванні-Ратонда. Там ён прывітае і паблагаславіць хворых перад шпіталем «Дом палёгкі ў пакутах», а таксама сустрэнецца з дзецьмі з онкагематалагічнага цэнтра. Нарэшце, Пантыфік прыбудзе ў санктуарый Найсвяцейшай Панны Марыі Ласкавай, дзе прывітае супольнасць меншых братоў капуцынаў, а таксама ўшануе Крыж стыгматаў і рэліквіі святога Піо, пасля чаго ўзначаліць цэлебрацыю Эўхарыстыі.
