21 кастрычніка ў Барселоне былі беатыфікаваны Матэо Касальс, Тэофіло Касаджус, Фэрнандо Сапэрас і 106 іх паплечнікаў. Гэта мучанікі, якія належалі да манаскай супольнасці кларэтынаў і былі забіты з нянавісці да веры падчас грамадзянскай вайны ў Іспаніі.
«Іх гераічны прыклад і іх заступніцтва няхай падтрымліваюць хрысціянаў, якія таксама і ў нашыя дні, прычым іх нямала, у розных частках свету церпяць уціск і пераслед», — падкрэсліў папа Францішак падчас малітвы «Анёл Панскі» на плошчы Святога Пятра 22 кастрычніка.
