![](/3/images/news/2020/02/2020-02-18-fgofkp.jpg)
18 лютага Папа Францішак прыняў просьбу аб адстаўцы ад пастырскага кіравання Адэска-Сімферопальскай дыяцэзіяй 75-гадовага біскупа Браніслава Бярнацкага. Яго наступнікам стаў біскуп Станіслаў Шырокарадзюк OFM, які да гэтага часу быў біскупам каад’ютарам згаданай украінскай дыяцэзіі, частка якой знаходзіцца на анэксаванай Расіяй тэрыторыі.
У паведамленні Святога Пасаду гаворыцца, што Станіслаў Шырокарадзюк нарадзіўся 26 чэрвеня 1956 года ў Карначоўцы Хмяльніцкай вобласці (Камянец-Падольская рыма-каталіцкая дыяцэзія).
У 1980 годзе паступіў у Вышэйшую духоўную семінарыю ў Рызе, а ў 1981 годзе патаемна ўступіў у Ордэн Братоў Меншых (OFM). Навіцыят і законную фармацыю праходзіў адначасова з вучобаю ў семінарыі.
Прэзбітэрскае пасвячэнне прыняў 4 чэрвеня 1984 года, а вечныя манаскія абяцанні прынёс 26 жніўня 1988 года.
З 1984 па 1994 год быў пробашчам у Палонным і Славуце ў сваёй роднай дыяцэзіі.
26 лістапада 1994 года быў менаваны дапаможным біскупам у Жытоміры (з 25 лістапада 1998 года — Кіеўска-Жытомірская дыяцэзія).
Біскупскае пасвячэнне прыняў з рук Папы Яна Паўла ІІ 6 студзеня 1995 года.
З 1996 па 2016 год быў дырэктарам дабрачыннага каталіцкага таварыства Caritas-Spes Украіна.
З 24 ліпеня 2012 года выконваў абавязкі Апостальскага адміністратара Луцкай дыяцэзіі.
12 красавіка 2014 года быў прызначаны біскупам Харкаўска-Запарожскім.
2 лютага 2019 года Святы Айцец прызначыў Станіслава Шырокарадзюка OFM біскупам-каад’ютарам Адэска-Сімферопальскай дыяцэзіі са спецыяльнымі паўнамоцтвамі.