Пошук

28.11.2018 15:55   Паводле: Джада Акуіліна / Vatican News / Фота: Vatican Media / Відэа: Vatican News / Catholic.by

28 лістапада на агульнай аўдыенцыі маленькі хлопчык з Аргентыны падбег да папы Францішка, каб прывітацца з ім, хоць гэта не было прадугледжана праграмай.

На заканчэнне агульнай аўдыенцыі, якая праходзіла ў ватыканскай зале Паўла VI, маленькі хлопчык падбег да Святога Айца, каб прывітацца з ім, пасля чаго мама малога адвяла яго на месца ў зале, але той праз нейкі час зноў вярнуўся да Папы.

Святы Айцец з гэтай нагоды прамовіў экспромтам па-іспанску:

«Este chico… Гэты хлопчык не можа размаўляць: ён нямы, але ён умее „камунікаваць“, умее самавыражацца. І ён мае штосьці добрае, што прымушае мяне задумацца: ён свабодны, недысцыплінавана свабодны. Але ж свабодны! Гэта выклікае ў мяне думку: ці я таксама такі ж свабодны перад Богам?

Калі Езус кажа, што мы павінны паводзіць сябе, як дзеці, Ён кажа, што мы павінны мець свабоду, якую мае дзіця ў адносінах да Айца.

<…> Так, я лічу, што гэты хлопчык усім нам прамовіў казанне… І папросім аб ласцы, каб ён змог гаварыць».

Абноўлена 28.11.2018 17:41
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця