4 лістапада Святы Айцец прыняў на аўдыенцыі Ігара Дадона, Прэзідэнта Рэспублікі Малдова. Пасля сустрэчы адбылася размова малдаўскага лідара з Дзяржсакратаром кардыналам П’етро Паралінам, якога суправаджаў мансеньёр Антуан Камілеры, намеснік сакратара па адносінах Святога Пасаду з дзяржавамі.
Падчас перамоў было выказана задавальненне добрым станам двухбаковых адносін, адзначаны станоўчы ўнёсак Каталіцкага Касцёла ў жыццё малдаўскага грамадства, асабліва праз экуменічныя намаганні, адукацыйныя і дабрачынныя ініцыятывы. Размова ішла таксама пра сітуацыю ў Малдове.
Закраналіся тэмы, якія ўяўляюць узаемны інтарэс: падтрымка сямейных каштоўнасцяў, міру і бяспекі на рэгіянальным і міжнародным узроўнях.
